ಪುಚ್ಚೆ!

Tulu appena jokleg solmel!!

Yaan yapala angla bhashed yenna baravu berevondipve aandala orara namma nelatta bhashed dadanda barevod andh manas malte. Undu yenna shurutta barevu. Tulunad dakl pandi pettg materla kenni meen,etti inchitna vishyane. Kantara baidi bakka, janakleg tulunad panda bhootada kola nenapapundu. "Bhootha kola aanaga oorug leple", "Kola tuvodu" ancha poora panper. Aandala meen,etti poora materla(yenklelekka dakl) tinpujer. Bhootha kola mata tulunad'tha shrimanta parmpare da onji bhaga. Ancha tulunad'd na-na nomone aachara vichara poora ulla, aandla av namana jati dhrmada mith badlapundu. Aanda tuluverna onji mokeda vishaya undu. Aa vishaya vov jati,dharma da jankla moke ne. Nikleg 'moke' shbda tut av vovanda atil andh manasg baru. Yan panonduppunu av khandita ath. Av namana poora ishtada prani "pucche". "Pucche" panda Nama oor dakleg onjindh malpu nanchina vishaya.

Vov praaniyaanda av porle, aithla pucche matra matergla favorite.Inchane yochane malple, itte naayi sankver, aik "naayi" andh nerper. Avla amaayaka, nambikasta prani. Incha bage bage pranilena pudarde nerper. Pucche yeth ishta panda yerla ancha "pucche" panth nerpujer. Av eth prabhavashali panda, ramp shows dd pucche da lekkane nadevod, aath famous nama pucche da nadige. Pucche eth sukha anubhava malpundu panda, aik swanta jeeva rakshane budt bete daala malpodu andh ijji.Av dada bele la malpuji, nayida lekka neeyatla ijji, phetta da lekka upayoga la ijji. Aandala aik illad ulayiye shoki malth yapala tirgond upereg materla budper. Puccheled kantri pucche la uppuva.

Anchanda Pucche dda prayojanane ijji andh ath. Av illal itthna goded ippuna palli len pathda tinpundu, eli phergudeg av barra budpuji, mariyal'd, illada ulayi barpuna kinya hucchulena phattd tinpundu anchane bete jeevolunla avu bonte malpundu. Avla poora jatida pucche malpuji aik poora penteda tianas ae aavod. Aike panpini Nama oortha kaat pucche shok bete pucche baree tuvara shoku andh.

Aik namana bhavane poora artha aapuji aandala puccheda ottug gobbara mast khushi aapundu. Yaan elya ippunaga poora, oorud pucche g yenna kuntu phad'd gobbonditte. Pucche da kinnin yenna kisett divondu tirgna gammat betene ittnd. Ancha nama illal sumar pucche bath pond. Yaan malle aavondippunaga gobbuna shaili badalaand aandla ette la puccheda ottug gobbara yenk udasina ijji. Ee Baraha bareyara Karana rad. Rad varshada dumbu 'pinki', elipashana tinth saittnd. Pinky g eth jambha ittnd panda av yapala illal tirgond ittnd, aandla av bonte maltina jeeva yenkle bete malt Korod ittnd. Aik garva eth panda av jeevod'd malle bonte malpara popetnd. Ora nayina gidtondu podithnd.

Anchane 'Billi' namma onji sankdna pucche,5 varshada dumbu kane aathnd. 'Billi' av illal matergla mokeda pucche, aik nama sumar 8 varsha sakini Ait av 25+ kinnileg janm kortundu. Billi bokka pinki dda mast nenp aavondittnd ancha ini aitha bagge blog barevode andh manas maltini.

"Pucche" panda yenk rappa mandeg 'Agali' barpundu. Av daye panda agalida "Dathe" kutumbo g pucche panda jeeva. Eth moke panda akleg pucche naramani dla onte jasti moke. Yapala pucchedave suddi samachara. Onji vishesha panda aklena Illag phoggdna pucchel poora aan anda 'subbu', Ponnu aanda 'subbi' nde pudar dipini sampradaya. Subbu-subbina vishaya bareth mugiyara ijji. Agali ttha chethu subba-subbina photoshoot maltina lekkane ijji. Inchane illal pucche ittnd Illdakl aitha mast mast photoshoot maltonde ipper. Bokka pucche tunda av apashakuna andh poora panper. Av nambinakl nambuver betedakl ijji. Incha niklena pucche da purana la ippu, yaan yenna anisike baretni. Nana dadanda asaktikara vishyath bareppe. Undu yenna shurutta tulu-blog, tappittnda banjig phadondle.